✨माझी लाडकी आजी ✨

माझी आजी (कविता )

माझी होती लाडकी आजी, माझी नि फक्त माझी ||धृ ||

आजी पावसात भिजली, उन्हात राबली.

राबराब राबली, पण कुणावर कधी नाही रागावली.

साधी सोज्वळ भोळी आजी.

माझी होती लाडकी आजी ||1||

तिच्या सारखीच तिच, सरळ मार्गानं चालणारी.

कधीही न रुसणारी, कायम हसणारी.

सदा न कदा कामात गुंतणारी.

माझी होती लाडकी आजी ||2||

आजी सरळ चालली, सरळ वागली.

दुसऱ्याच्या वाटेतलं काटे उचलत चालली.

सदा देत राहणे, वसा ती देत राहिली.

माझी होती लाडकी आजी ||3||

आल्यागेल्या जवळ गुणगान,ती माझंच गाई. नातू माझा असा, नातू माझा तसा, सगळ्यांना सांगत राही.

आई तुझ्याच आठवणीने आज डोळ्यात पाणी येई.

माझी होती लाडकी आजी ||4||

आजी घर आमचे सुनेसूने, तू आज नाही, आठवण येते मनोमनी अश्रू आवरत नाही.

सारे जग जरी फिरलो तरी,

 आजी तू दिसणार नाही. माझी होती लाडकी आजी ||5||

आजी वसा तुझा आम्ही जपू मनोमनी, येणाऱ्या-जाणाऱ्याला घास घालुनी.

देतो हीच भावपूर्ण श्रद्धांजली तुझ्या चरणी. माझी होती लाडकी आजी ||6||

श्री दादाभाऊ बाळासाहेब बेलोटे.

जि. प. प्रा. शाळा कळस ता. पारनेर जि. अहमदनगर

 मोबाईल 7588025491