शिकार
*शिकार* परवा एक चित्र पाहण्यात आलं. एका चित्त्यानं एका माकडीणीची केलेली शिकार आणि तरीही तिच्या पोटाला बिलगून बसलेलं तिचं लेकरू तेही जिवंत...... शिकार करुन विजयाच्या उन्मादात चाललेला चित्ता आणि त्यानं त्याच्या तोंडात पकडलेली निष्प्राण माकडीण. नाही म्हंटलं तरी ते चित्र पाहुन मन हेलावून गेलंच. कदाचीत त्या माकडीणी साठी नसेल, पण तीला तेव्हड्याच विश्वासांनं बिलगून बसलेल्या पिल्लासाठी. त्या निरागस लेकराला कदाचीत माहीत आहे का नाही कुणास ठाऊक, की आपल्या आईची शिकार झाली आहे. त्याला एव्हडंच माहीत की आईच्या कुशितील सुरक्षितता जगात कुठेच नाही आणि तितक्याच अनामिक भावनेनं ते आईला बिलगून बसलं आहे. त्याला माहीत पण नसेल पुढचा नंबर आपला आहे. त्या आईचं हृदय किती हेलावून गेलं असेल. तीला तिच्या मृत्यूची पर्वा नसेलही कदाचीत, पण तिच्या पोटाशी बिलगून बसलेल्या तिच्या लेकराबद्दल तीला किती असंख्य वेदना झाल्या असतील. मरताना शेवटच्या क्षणाला ही तीला हेच वाटत असनार माझं पिल्लू कसं असेल, ते सुटेल का त्याच्या तावडीतून. शेवटी आईचं हृदयच ...